Terminal 2 North-dan Terminal 1-ə (Beynəlxalqdan beynəlxalqa transfer)
Terminal 2 North (Şimal) beynəlxalq reyslə gələn və Terminal 1-dən yola düşən beynəlxalq reysə transfer edən sərnişinlər Azərbaycan Respublikasına daxil olmadan transfer/tranzit sistemi vasitəsilə növbəti uçuşlarına keçə bilərlər.
Transfer proseduru
- 1-ci mərtəbədə, immiqrasiya nəzarətindən əvvəl, “Transfer” nişanlarını izləyin.
- Minik talonu tələb olunduğu halda, Terminal 2 North (Şimal) transfer zonasında yerləşən Transfer masasına yaxınlaşın.
- Terminallararası şatl avtobusuna minərək Terminal 1-ə yollanın.
- Terminal 1-ə çatdıqdan sonra 2-ci mərtəbədə təhlükəsizlik yoxlamasından keçin.
- Təhlükəsizlik yoxlamasından sonra eskalator vasitəsilə 3-cü mərtəbəyə qalxın.
- Son təyinat məntəqəniz üçün tələb olunduğu halda viza yoxlamasından keçin.
- Gediş zalına daxil olun və uçuş qapınıza yönəlin.
Vacib məlumat
- Bu transfer marşrutu üzrə sərhəd və gömrük nəzarəti tələb olunmur.
- Sərnişinlər son təyinat ölkəsi üçün giriş və viza tələblərinə cavab verməlidirlər.
- Şatl avtobusunun hərəkət intervalı əməliyyat şəraitindən asılı olaraq dəyişə bilər.
- Transfer marşrutları ingilis dilində olan “Transfer” nişanları ilə aydın şəkildə işarələnmişdir.
- Zərurət yarandıqda aeroport əməkdaşları sərnişinlərə yardım göstərməyə hazırdır.