Uçub gələn və uçub gedən uçuşların cədvəlinə dair suallarla bağlı Heydər Əliyev Hava Limanın 24 saat fəaliyyət göstərən məlumat xidməti ilə aşağıdakı telefon nörməsinə zəng edərək əlaqə saxlaya bilərsiniz: (+994 12) 497 27 27.
Sirin sorğunuz bizim üçün çox vacibdir. Hər hansı bir sualınız varsa, qısa zamanda sizinlə əlaqə saxlayacağıq.
07 Yanvar 2024
7 yanvar 2024-cü il, Bakı – Heydər Əliyev Beynəlxalq Aeroportunda son 10 gün ərzində 160 minə yaxın sərnişinə xidmət göstərilib ki, da ötən ilin müvafiq dövrünün nəticələrindən 34,7 % çoxdur. 2022-2023 illərin analoji dövründə bu rəqəm 118 min sərnişin təşkil edib.
29 dekabr 2023-cü il - 7 yanvar 2024-cü il tarixləri arasında hava limanının bütün xidmətləri gücləndirilmiş iş rejimində çalışaraq, fasiləsiz iş rejimini təmin edib və aeroportun məsuliyyət zonasında hər hansı gecikmələrə yol verilməyib.
Bu müddət ərzində ən sıx gün 30 dekabr 2023-cü il olub. Həmin gün Bakı hava limanında 21 596 sərnişinə xidmət göstərilib, aviaşirkətlər tərəfindən isə 167 reys həyata keçirilib.
Heydər Əliyev Beynəlxalq Aeroportundan bayram günlərində ümumilikdə 35 aviaşirkət 72 istiqamətə uçuşlar yerinə yetirib. Ən populyar istiqamətlər İstanbul, Naxçıvan, Moskva, Tbilisi, Dubay, Əbu-Dabi, Şarja, Ankara, Sankt-Peterburq və Doha olub.
Heydər Əliyev Beynəlxalq Aeroportunun Mətbuat xidməti