Hərəkət məhdudiyyətli sərnişinlər (PRM)

Heydər Əliyev Beynəlxalq Aeroportu aviaşirkətlər və yerüstü xidmət provayderləri ilə əməkdaşlıq çərçivəsində hərəkət məhdudiyyətli sərnişinlər (PRM) üçün infrastruktur və terminaldaxili yardım xidmətləri təqdim edir.

Əvvəlcədən bildiriş (mütləqdir)

PRM yardımına ehtiyacı olan sərnişinlərə bileti alarkən və ya bron zamanı, yaxud planlaşdırılmış uçuşdan gec olmayaraq 48 saat əvvəl aviaşirkətə əvvəlcədən məlumat vermələri qəti şəkildə tövsiyə olunur.

Əvvəlcədən bildiriş aviaşirkətə hava limanı və yerüstü xidmət komandaları ilə yardımın koordinasiyasını təmin etməyə imkan verir.

Aviaşirkət tərəfindən sərnişinlərdən hərəkət məhdudiyyəti ilə bağlı məlumatların elektron poçt vasitəsilə və ya aviaşirkətin bron kanalları üzərindən təqdim edilməsi tələb oluna bilər.

Vacib: PRM yardımı əvvəlcədən sifariş edilmədikdə, əməliyyat məhdudiyyətləri səbəbindən xidmətin göstərilməsi mümkün olmaya bilər.

Hava limanında PRM yardımı

PRM yardımı yalnız terminal binası daxilində göstərilir.

• Terminala daxil olduqdan sonra PRM sərnişinləri yardım üçün müəyyən edilmiş gözləmə nöqtəsi olan Məlumat Masasına müstəqil şəkildə yaxınlaşmalıdırlar.

PRM üzrə əməkdaş sərnişini aşağıdakı mərhələlər üzrə müşayiət edəcək:

• Qeydiyyat masası
• Təhlükəsizlik yoxlanışı
• Gömrük və sərhəd nəzarəti (beynəlxalq reyslər üçün)
• Minik qapısı

Əvvəlcədən razılaşdırıldığı halda, təkərli oturacaq xidməti təqdim olunur.

PRM üçün infrastruktur və imkanlar

Hava limanının avtodayanacaq ərazilərində PRM üçün xüsusi parklanma yerləri mövcuddur.

• Bu parklanma yerləri hava limanının əlçatanlıq infrastrukturu çərçivəsində təmin edilir.
• Parklanma zonasından terminal girişinə qədər müşayiət xidməti göstərilmir.

Terminal 1-də, həm ümümi, həm də rejim zonalarda, bütün mərtəbələrdə PRM üçün uyğunlaşdırılmış sanitar qovşaqlar mövcuddur.

Terminal infrastrukturu sərnişinlərin təhlükəsiz və maneəsiz hərəkətini təmin edəcək şəkildə layihələndirilib.

Əvvəlcədən bildiriş olmadan gələn sərnişinlər

PRM yardımına ehtiyacı olan, lakin aviaşirkətini əvvəlcədən məlumatlandırmamış sərnişinlər terminala daxil olduqdan sonra Məlumat Masasına müraciət etməlidirlər.

• Yardım mövcudluq və əməliyyat şərtlərindən asılı olaraq göstəriləcək.
• Aviaşirkət tərəfindən əvvəlcədən bildiriş olmadıqda, hava limanı PRM xidmətinin təmin olunmasına zəmanət verə bilməz.

Vacib Məlumat

• Hava limanı əlçatanlıq infrastrukturu təqdim edir, PRM yardımı isə aviaşirkətlər və yerüstü xidmətlər vasitəsilə koordinasiya olunur.
• Sərnişinlərə uçuşdan ən azı 48 saat əvvəl aviaşirkətə müraciət edərək PRM yardımını sifariş etmələri ciddi şəkildə tövsiyə olunur.
• Əvvəlcədən bildiriş prosedurlarına riayət edilməsi səyahətin rahat və təhlükəsiz keçməsini təmin edir.