Uçub gələn və uçub gedən uçuşların cədvəlinə dair suallarla bağlı Heydər Əliyev Hava Limanın 24 saat fəaliyyət göstərən məlumat xidməti ilə aşağıdakı telefon nörməsinə zəng edərək əlaqə saxlaya bilərsiniz: (+994 12) 497 27 27.
Sirin sorğunuz bizim üçün çox vacibdir. Hər hansı bir sualınız varsa, qısa zamanda sizinlə əlaqə saxlayacağıq.
19 May 2026
Heydər Əliyev Beynəlxalq Aeroportunda hərəkət qabiliyyətini itirmiş hava gəmilərinin təxliyəsi üzrə növbəti praktiki təlim keçirilib.Təlim “ResQtec” şirkətinin “Rapid Recovery System (R2S)” texnologiyası əsasında təşkil olunub və ciddi zədələnmiş, öz təkərləri üzərində hərəkət edə bilməyən hava gəmilərinin təhlükəsiz təxliyəsi ilə bağlı əməliyyat prosedurlarını əhatə edib.
Bir və ya bir neçə şassi dayağının ciddi zədələnməsi və ya hava gəmisinin strukturundan ayrılması nəticəsində hava gəmisinin öz təkərləri üzərində hərəkət edə bilmədiyi hallar aviasiyada yüksək əməliyyat hazırlığı və xüsusi texniki yanaşma tələb edən mürəkkəb insidentlər hesab olunur.
“ResQtec” tərəfindən təqdim olunan R2S sistemi mürəkkəb əməliyyat şəraitində hava gəmisinin həm uçuş-enmə zolağına, həm də hava gəmisinin özünə əlavə zərər vermədən təhlükəsiz şəkildə təxliyəsinə imkan yaradır. Sistem yeni nəsil, iriölçülü hava gəmilərinin təhlükəsiz qaldırılması və təxliyəsi üçün hazırlanıb və beynəlxalq aviasiya praktikasında tətbiq olunan əməliyyat yanaşmalarına uyğundur.
Qeyd edək ki, “ResQtec” şirkətinin “Rapid Recovery System (R2S)” texnologiyası daha əvvəl Heydər Əliyev Beynəlxalq Aeroportunun texniki infrastrukturuna inteqrasiya olunub. Bu istiqamətdə əməkdaşlar həm Çexiyada, həm də Bakıda keçirilən beynəlxalq təlim proqramlarında iştirak edərək praktiki hazırlıq keçiblər.